Cустрэча з Марыяй Пархімчык

📚 21.06 а 13:00 у кнігарні «Букіністка» – сустрэча з Марыяй Пархімчык і размова пра раман «Эйфарыя».

Марыя Пархімчык нарадзілася на Бабруйшчыне, з прафесіі – журналістка, рэдактарка, сторытэлерка, стваральніца падкастаў. Таксама працуе з гумарыстычнымі тэкстамі як стэндап-каміца. Напрыканцы мінулага году дэбютавала з раманам «Эйфарыя» ў выдавецтве «Пфляўбаўм».

🏖 Пра кнігу:

"На IT-востраў у цэнтры Еўропы прыязджаюць журналіст Пітэр Уордсварт і мастацкі кіраўнік танцавальнага калектыву Кацярына Фёдараўна. Ён збіраецца зрабіць яскравую гісторыю пра змрочную рэспубліку, яна — годна выступіць на свяце ўраджаю. Але ўсё ад пачатку ідзе не па плане. Героям даводзіцца прайсці праз выпрабаванні, якія стварае для іх нехта на востраве. Аднак хутка прыгоды пачнуцца і для тых, хто імі кіруе…"

Дзе праўда, дзе выдумка – дакладна не адкажа ўжо ніхто, акрамя аўтаркі.

На сустрэчы пагаворым пра кнігу, сучасны белліт, жанчын у літаратуры – і пра ўсё, пра што захочацца пагаварыць.

Чакаем таксама невялічкі «літ-стэндап» і шчырых чытачоў, канешне!

📍 Кнігарня «Букіністка»

🗓 21 чэрвеня

🕐 13:00