07.03.2026 – пра "Сіні дом" з Аленай Пятровіч

7 сакавіка кнігарня Букіністка запрашае на дзень жывых гісторый і размоваў пра Віцебск — горад, які застаецца з намі, нават калі мы далёка ад яго.

У гэты дзень з намі будзе Алена Пятровіч — літаратарка і перакладчыца, вядомая, між іншым, перакладамі «Гары Потара», а таксама аўтарка новай кнігі «Сіні дом. Мая гісторыя Віцебска», што выйшла у выдавецтве «Мяне Няма». Гэта асабістая і вельмі шчырая гісторыя пра дом, памяць і Віцебск мяжы 1990–2000-х гадоў — пра горад як пра прастору, якая фармуе чалавека і застаецца ў ім назаўсёды.

З 13:00 да 17:00 адбудзецца аўтограф-сесія: можна будзе набыць кнігу ў краме, атрымаць подпіс аўтаркі і паразмаўляць з ёй у жывым, нефармальным фармаце. Магчыма, прагучаць урыўкі з кнігі — з лёгкай урачыстасцю або, наадварот, з іроніяй. А можа, будуць гісторыі пра рэкі, крыху пафасу і некалькі жартаў у стылі dad jokes — калі карта ляжа.

Запрашаем на гэтае свята жывой літаратуры
7 сакавіка (субота) з 13:00 да 17:00
кнігарня BUKINISTKA
Smulikowskiego 4C