Круглая Square

59,00 zł

Колькасць

szt.

Наяўнасць:

Ёсць

За пакупку гэтай кнігі вы атрымаеце 29 балаў.

Даведацца пра бонусную праграму.

Дастаўка

ад 12,00 zł - DPD Pickup (Пачкоматы и пункты выдачи) (Polska)

Апісанне

Раман «Круглая Square» Вала Клемэнта — гэта дасціпная і насычаная іроніяй гісторыя, якая балансуе паміж утопіяй і рэальнасцю. Тут суседнічаюць смех і горыч, сарказм і самаіронія — найлепшая абарона ад абсурду жыцця. Аўтар, беларус з багатым досведам прававой і акадэмічнай працы ў Менску і Лондане, стварае вострасацыяльны тэкст, які не дазволіць засумаваць. Гэта кніга для тых, хто любіць, калі літаратура адначасова забаўляе і прымушае думаць. *** “Гэты раман — нязьменна дасьціпны, вельмі асацыятыўны, з элемэнтамі антыўтопіі, вясёлы і гаркаваты, саркастычны і часам цынічны, прасякнуты гумарам, іроніяй і, што самае галоўнае, самаіроніяй, якая ёсьць найлепшым сродкам самаабароны, — не дазволіць вам засумаваць. А як вядома, няхай жыве любы жанр, апрача сумнага!” Уладзімер Арлоў Сапраўднае імя Вал Клемэнта - Васіль Еўдакімаў. Ён нарадзіўся у 1957 годзе ў Менску ў сям’і выкладчыкаў ВНУ. Пасрэдна вучыўся ў школе, займаўся плаваньнем, а ў вольныя хвіліны пасьвіў аблокі. Пасьля сканчэньня школы паступіў на юрыдычны факультэт БДУ, дзе вывучаў гісторыю КПСС, марксізм-ленінізм, калгаснае права ды іншыя карысныя навукі. Атрымаўшы вышэйшую адукацыю, па разьмеркаваньні трапіў на працу ў органы пракуратуры гораду Менску. Праз пэўны час аўтар з палёгкаю разьвітаўся з пракуратурай, а пракуратура з палёгкаю разьвіталася з аўтарам. Зь сьвету правапарушальнікаў і праваахоўнікаў Вал Клемэнт вярнуўся ў храм адукацыі і выхаваньня, паступіўшы ў асьпірантуру пры БДУ. Абараніў дысэртацыю на званьне кандыдата юрыдычных навук і ўладкаваўся выкладчыкам на родны юрфак. У 1990 годзе быў запрошаны на працу ў адну зь вядучых юрыдычных фірмаў Вялікай Брытаніі ды пераехаў у Англію, што дало яму магчымасьць набыць досьвед заходняй юрыдычнай практыкі, вывучыць беларускую мову і паглядзець іншы, незнаёмы сьвет. Гэты сьвет ён глядзіць і дагэтуль. Жыве ў Лёндане.