Маша Святагор

Everybody dance!

248,00 zł

Наяўнасць:

Хутка з’явіцца

За пакупку гэтай кнігі вы атрымаеце 124 балаў.

Даведацца пра бонусную праграму.

Дастаўка

ад 0,00 zł - DPD Pickup (Пачкоматы и пункты выдачи) (Polska)

Дэталі

Выдавецтва TAMAKA
Вокладка Цвёрдая
Мова Беларуская
Год выдання 2025
Старонак 164
ISBN 9783000830303

Апісанне

Кніга Everybody Dance! стала кульмінацыяй і вынікам сямігадовага творчага перыяду Машы Святагор — ад моманту набыцця архіва “Савецкага фота” ў 2018 годзе да стварэння заключнай часткі кнігі ў выглядзе лічбавых калажаў.

Дэканструкцыя — галоўны мастацкі метад работ гэтага перыяду: пабудова новага праз разбурэнне і пераасэнсаванне звыклых патэрнаў. Занадта вялікі шрыфт, які нагадвае газетныя загалоўкі, элементы, што разрываюць тэкст, павялічаныя эмацыйныя планы — усё гэта аднаўляе адчуванне нязручнасці, канфлікту — галоўнага драйвера палітычнай арт-крытыкі Святагор.

Чытачу прапануецца стаць суўдзельнікам гэтага працэсу і, пераадолеўшы ўнутраны супраціў, разбурыць адну з работ кнігі (“Пацалунак”), якая нябачна для вока падзеленая на стыкерпак з фігурак балерын — асноўнага візуальнага стрыжня кнігі. Такім чынам чытач замкне цыкл разбурэнне—стварэнне—разбурэнне, зноў ператварыўшы гатовую працу ў сыравіну.

Кніга таксама ўнікальная тым, што стыкеры з рознымі вобразамі з калажаў мастачка ўручную размясціла на вокладцы толькі адным, непаўторным спосабам. Не існуе дзвюх цалкам аднолькавых асобнікаў, а значыць, кожны з іх — аб’ект калекцыянавання.

Раздзелы кнігі адпавядаюць серыям работ у храналагічным парадку — ад самай першай серыі Everybody Dance!, якая дала назву кнізе, і да апошняй серыі лічбавых калажаў Coda, створанай у працэсе працы над кнігай, што лагічна завяршае “танец Брэжнева” калейдаскопам балерын у маршы. Шмуцтытулы (загалоўкі раздзелаў) — асобныя графічныя аб’екты, створаныя мастачкай з “пустых рамак”, апошніх артэфактаў часопісных старонак, што засталіся пасля працы над калажамі. Пустая рамка таксама замыкае кнігу, сімвалізуючы завяршэнне працы над праектам і заканчэнне гэтага творчага перыяду.