🚛 бесплатная доставка по польше при заказе от 170 zŁ

Rattus Sapiens

Rattus Sapience — «пацук разумны» — праект Марыі Карнеенка, назва якога імгненна выклікае асацыяцыі з сучаснай чалавечай цывілізацыяй і вельмі дакладна перадае асноўную ідэю: пад намі, над намі, а часцей зусім побач з намі заўсёды існавала і развівалася асобная разумная цывілізацыя, пра якую мы ведаем вельмі мала, а тое, што ведаем, з’яўляецца альбо страхамі, альбо міфамі.

Перейти к полному описанию

206,00 zł

Количество

szt.

Наличие:

Есть в магазине

Доставка

от 0,00 zł - DPD Pickup (Пачкоматы и пункты выдачи) (Polska)

За покупку этой книги вы получите 206 баллов.

Узнать о бонусной программе.

Детали

Издательство TAMAKA
Язык Беларуская
Обложка Твердая
Страниц 132 + 4
Год издания 2025
ISBN 9783000836268

О книге

Марыя Карнеенка — сучасная фатографка і мастачка з Беларусі, якая цяпер жыве ў Варшаве. Праект Rattus Sapience узнік з яе актывізму і асабістага досведу ўзаемадзеяння з пацукамі — адносінаў, якія выходзяць за межы канцэпцыі «ўласнасці», бо яны не вызначаюцца і не абмяжоўваюцца валоданнем. Для праекта Марыя выкарыстоўвае не толькі фатаграфію, але стварае калажы, нацюрморты, надае новыя сэнсы праз апрапрыяцыю, каб паказаць тое, што хаваецца за стыгмай.

Rattus Sapience — гэта шматпластавая альбо, дакладней, шматтунэльная кніга. Лінія візуальнага наратыву разгорваецца ў стылі адлюстраванай, двухбаковай і зацыкленай гісторыі: мы пачынаем і заканчваем з адной пары малюнкаў — быццам гісторыя рухаецца па коле.

Калі чытаць наперад, гісторыя пачынаецца з таго, што людзі шануюць прыроду і баяцца яе і іншых істот жывёльнага свету, да якога яны належаць. Потым ідзе ўтаймаванне, дуалізм і адасобленасць. Але калі чытаць з апошняй старонкі да першай, гісторыя ператвараецца ў вяртанне — спуск, паўторнае адкрыццё міфа, сустрэчу. Гэта гісторыя, якая належыць аднолькава і пацукам, і людзям.

Фізічная форма кнігі дадае яшчэ адзін пласт да яе аповеду. Класічны, лінейны рытм перагортвання старонак перарываецца і збіваецца. Паміж тонкімі бакамі паперы з’яўляюцца «кішэнныя старонкі», якія раздзяляюць наратыў і ствараюць дадатковыя галіны сэнсаў. Далікатныя малюнкі Марыі пацучыных норак літаральна размешчаныя на паўпразрыстых сагнутых аркушах, перарываючы рытм старонак сваімі адбіткамі. Паўсюль малюнкі і колеры пераклікакаюцца рэхам.

Акрамя таго, тактыльныя ўласцівасці таксама становяцца часткай гісторыі. Папяровая вокладка на аснове воўны мякка паколвае пальцы, як пацучынае футра. Асноўная папера — 100% перапрацаваная, з цёплым натуральным адценнем, дробнымі плямкамі і лёгкім «вусатым» выглядам. Фармат кнігі невялікі і падоўжаны — якраз такі, каб трымаць каля сябе.

У гармоніі з візуальным голасам праекта гучаць тэксты Таццяны Заміроўскай, пісьменніцы з беларускімі каранямі з Нью-Ёрка, не толькі дзякуючы падобнаму асабістаму досведу — Таццяна называе сябе амбасадаркай пацукоў — але і дзякуючы постантрапацэнтрычнаму погляду на прыроду ўзаемадзеяння чалавечай і жывёльнай цывілізацый.